ابعد عنه تراه " حبـه .. حبـه .. ياكلـك "

يا غشــيم ليـــه تبدي الالســف والالعتـــــــذار؟
أصلاً احنا منتهيــن ان كان هـــذا يجهلــــك !!


ثـم أنـا ما ودي أفتـــــــح بيننا بـاب الحـــــــوار
بـس أنا عــارفه فضولك .. بالنهايـــة يقتلك !!


تسألني مـن معـي بعـدك خذا فكـري وصـار ..
يحتفـل فيه قصـيدي .. وعلّمَني أهملـــــــك؟؟


واسمح لي راح أجاوب لك سـؤالك في إطار ..
الصـراحه .. وادري إنّ آخـر كلامــــــي يزعلك


ذاك ولدٍ مـن غلاه عامل فيـني حصــــــار ..
وين ما وجهت نبضي لجله قلــــــبي ســــــلك


ذاك ولد ٍ يـزرع البسـمات في كـل الـــديار ..
تغفل بطيبــة نواياه .. ويســتغــفلك


ذاك يــــــوم إنــــــك تركتـني علــى شبه انهيار ..
جاني وطـرت بهواه للسـما وابعــد فلك


ذاك يـــــوم آكلمك وابقـى علـى الخـط انتظـــار ..
حطّ الدنيا ( انتظـار ) وجـاني يقول : اشتقت لك


ذاك غيم وصــــاله ما شح في ليـــــل ونهـــــار ..
وانت ياخـذك التغلـــــــــي للغيــاب و يشــغلك !!


ذاك يوم إنـي –أمـــــوّل - لك تفاصـيلي دمـــار ..
جـني يغـني ( الماضي لك / وبكره لك / وبعده لك )

وعـن جمال أوصافه خايفه يصـيبك انكســــــار ..
لنـــه لو يلتفــت لـك .. ضـــــــيّع مسـتقبلك !!


وانصـــــــحك من حســـــــنه ليبتـدي قلبـك يغار ..
وابعد عنه تراه " حبـه .. حبـه .. ياكلـك "


نور عيني حبّه .. يعـني لي أكـبر انتصــــــار ..
حزت عرش ٍ مـن ملوك الرض ما حـــــازه ملك


كـــــن قلـــــبي من بعـــــد ما حبه علّق شــعار :
" الرجـــاء البتعـاد .. القلب هــــــــذا ممتلك "


واعتقــــــد ما فيـه داعـي يكتمــــل هــــــذا الحــوار
بـــس هـــي كلمــــــــه .. إذا ودك تعرفــي منزلك


شــفتي الولد اللـــــي احتل مكانـك .. باختصار :
ذاك يســــــواك ِ ويسـاوي كـــــل طوايفـك وهلـك