من قلمي ارجو الدخول والرد بصراحه

صعب احساسي..!!
صعب شعوري..!!
جمعت كل كلمه تعلمتهااااااا
وحاولت ارتبهااا
حاولت ....

وبعد ماتعبت وتعب معاي تفكيري
قلت اريح نفسي شوي....
فنجان قوه يمكن يعطيني راحه

مر وقت
ولقيت كل كلمه كتبتها
ماتمد بصله للكلمه الثانيه

زفرت زفره اشبهااا بالأه لي طلعت من مريض يأس من انه يكمل الحياااااه

انتبهت لنفسي كل هالتنهيده؟؟
وعلى ايش؟؟

حاولت اركز ...


احس بضيقه احس الجو كاتم شوي
وكانوه مو انا لحالي أتنفس بالغرفة كانوه معي عشرين او اكثر

لحظه افتح الشباك يمكن يساعدني شوي....


وانا افتح الشباك شفت ناس مبسوطه وناس باين عليها الهم
شفت رجال كبار وشف اطفال صغار
شفت >>>
ان الناس ماتعيش مع بعض كل واحد بعالمه الخاص

المهم رجعت لمكاني ... قهوتي ... يوووووه صارت بارده
حرام اغيرهااا ماشربت منها شي
لحظه اكيد المكرويف بيساعدني...



والله ساعدني الله يعافي من شراه هههههههههه
بس بالدقايق الي كان فيها المكرويف يقوم بواجبه
جتني افكــــــــــــــــــــــــــار.....
ومنها>>> ليت عندي مكرويف للناس وحط فيه اصحاب القلوب القاسيه وتــــــــــلين
وبعد احط فيه اصحاب المشاعر البارده
(( بنسبه لي احس اصحاب المشاعر البارده هم الي يكنون اغلبهم بنات وتبي أي احد يلمهاااا ويدفيهاا واخر شي تروح للمكان الغلط ))
واذا حطيتهم بالميكرويف راح تدفا مشاعرهم ويصيرون يتحكمون شوي بنفسهم

لحظه ابي اشرب القهوه اخاف تبرد مره ثانيه



الحين احس حالي بديت اركز شوي

المشاعر لي تجول بحياة أي انسان حلوه مهما كانت
انا كنت اقرا روايه فيه شخصية واحد هيبه وقوي بتصرفاته حتى على امه
بس اخر شي دخلت حياته وحده خلته يبكي ويشكي ويضحك مثل الاطفال

الحيااااه سهله بس لو نقول رب يسر لي امري

اكبر مثال انا
عندي مشاكل بحياتي كلمت مشاكل تكون صغيره بحقها
والمشكله الاكبر انوه مشكلتي كل يوم تكبر
بس الناس الي حولي يقلون عني:: انتي مطنشه ومافيه شي يشغل حياتك"الله يهديك"
امين مافيها شي كل انسان يبي الهدايه بس الدعوه هذي مو بوقتها
بنسبه لطريقت تواجدي بعائلتي حسستهم اني انسانه فااااضيه واكثر شي يشغلني اللعب
"ابي اللعاب ياربي طفشانه ابي استانس كل الناس تستانس وانا لا"

وطريقت تواجدي بين صديقاتي حسستهم اني ماعندي سالفه
وكل كلمه يقلوها لازم اعلق
واخذ كم دعوه حلوه وكم ضربه والسلام و اروح للبيت وانام...... واجي بكرا واعيد نفس الموال

هذا الي فهموه...
وهذا المطلوب... والحمد لله اني بينت لناس كذا
ليش كذا ؟ وليش فهموني كذا؟؟
لاني بدون حزن ودموع

قدامهم
لكن من وراهم
الحزن
و
الدموع ؟؟
لاتسئلوني عن الدموع اه منها الدموع
مناديلي لاجا الليل تهرب مني ولا ادري وين تروح
واخذ اشكي للوساده
فلانه ليش كذا ناظرتني؟؟
واختي ليش كذا قالتلي؟؟
وابوي وش قصده ؟؟
وامي مافهمتني؟؟
واخوي يحبني؟؟
ووووو.....إلخ
واخر سؤال اصفى عليه ليش انا كذا؟؟
بالاخير كني اشوف الوساده تقول ممكن تريحيني شوي...""" و ابتسم"""....
اهـــ من ابتسامه وضحكه ضكتها امس بدال ماتريحني اتعبتني
وقلت بكل بساطه : يارب بكره يكون اسهل من اليوم
ونمتـــــــــــــــــ
وصحيت صبحي وانا اشوف اختي مبتلشه وش تلبس؟
والثانيه وش تسوي بشعرها ؟؟
والثانيه شعرها حوسه......
والصغيره الله عليها الصغير تبكي ليش ؟؟؟ ماحلت الواجب
الله عليها كبرت بدال مايصير اكبر همومها حلاوه وفستان صارت همومها ابله نوره والواجب
هههههههههه ضحكت بعد ماشفتها
ناظرتني امي نضره وكنها تقول تخلف على تسع شهور تعبت فيها وجتني ذا البنت
وكملت يومي وانا اضحك واستهبل واعلق

وكان الي صار امس تالي الليل ماصار لي.... صار لحد غيري مو انا!!


اهــ راحه غريبه
شكراً يااااا حروف وشكراً يايديني كذا ارتحت
نسيت اشكر كل من مر علي بلحظة كتابتي للكلام
تفكيري و الكلمات والاحساس وكل المحاولا ت
والتعب
وفنجان القهوه والوقت
ومحاولات التركيز
والشباك والناس الي شفتهم
ولا انسى اشكر قهوتي يوم بردت والمكرويف
لوسادتي من الشكرالنصيب الكبير
بس المناديل انا زعلانه منها اليوم ماراح اشكرها اشوف بكرا وش تسوي ادري فيها ماتقدر على زعلي
والشكر كله لمصدر الهامي الكبير ابوي الي جالس جنبي
الي هداوته طغت على الجو وكانت مركز الهامي


ولا انسى اشكر الجيران الي سببو لي قلق وماتركوني ارتاح

وبالختام::
تقبلو مني كلماتي يمكن يكون صعب عليكم تتقبلونها مني
بس سهله اذا فكرتو اني كذابه ونقلتهاااا من منتدى وقلت هذا انا
فمان الكريم الي ماتضيع معه الوداعه
الحقووق محفوظه لـ د/ رايقه بنت روقان