ياوجودي عليها

ياوجودي عليها وجـد راع التجايـر
وجد من ضاع جاهه والتجاير فقدهـا
ياوجودي عليها وجد من بـه جبايـر
من صرم عظم ساقه ومتزايد رقدهـا
ساهرن طول ليله عنده الفكـر حايـر
ساهرن طول ليله والمره مع ولدهـا
سابته عقب ما صابه كسور وعثايـر
سابته عقب مافناء العمر يطلب سعدها
انكرت عشرته يامال قطـع الذخايـر
ماتبي خدمته خافت على جلـد يدهـا
ويا وجودي على خلٍ خفي السرايـر
قفت ابه الضروف المجبره ماعمدهـا
راح عني وخلاني عميـس البصايـر
راح عني وخلانـي بكبـدي لهدهـا
غرني في زمانٍ معظم الوقـت جايـر
تاركن عشرتي وانا اعرفه ماعتمدهـا
ياحبيبي خف الله من دورت الدوايـر
خف من الله تراء الدنيا ضعافٍ عمدها
لايجي يوم ترجعلي تجـر الخسايـر
تشقي الروح عندي ويتزايـد جهدهـا
والله اني عليك ابداخل الجـوف فايـر
والعيون الشقيه زايـد ابهـا رمدهـا
عد على من بنالك وسط قلبه عمايـر
واشركك في حياته مثل ناس ابلدهـا
الله الي زرع حبك بخـاف الضمايـر
وانبته في حشايه والحشاء ماجحدهـا